Akademie Reformia. Soli Deo Gloria

Kontak Ons

Tel/Fax: (015) 296 8812

Skakels

 

Pietersburg was die stad waar hy opgegroei en in 2003 gematrikuleer het. Mnr. Hennie Combrink het ʼn groot liefde vir die natuur en verwerf ʼn B-Tech graad in natuurbewaring waarna hy vir SAN-Parke gewerk het. Hy was vir ʼn aantal jare in die Kruger Nasionalepark werksaam as ʼn veldgids en het staptoere gelei. Na 5 jaar in die wildtuin het Mnr.Combrink besef dat die lang tye alleen in die wildtuin nie meer vir hom goed is nie. Hy het ook ʼn verlange gehad na die gemeenskap van gelowiges, die naaste kerk was 90km ver.

Na baie gebed het daar uitkoms gekom in die vorm van ʼn oproep van Piet Joubert Skool in Pietersburg. Hy was hier vir 3 jaar lank werksaam.

In 2012 voeg Hennie hom by die personeelkorps van die Chris Hofmeyer Laerskool. Aangesien dit ʼn klein laerskool is, word dit van personeel verwag om alles te kan doen, van redenaars, konserte en sport afrig tot dien op die beheerliggaam en die skoolbus bestuur. Hy het gou besef hy sal verder moet studeer en in 2013 verwerf hy sy nagraadse sertifikaat in Onderwys aan Unisa en in 2014 sy B.Ed Honneurs (Cum Laude) ook aan Unisa. Mnr. Combrink is getroud met Lynn-Marie en het twee dogters Lize en Nina. Hul is meelewende lidmate van die Gereformeerde Kerk Pietersburg Suid.

Mnr Combrink het vroeg in sy onderwysloopbaan besef privaat christelike onderwys die enigste pad is waar hy sy toekoms in die onderwys sien. In Maart 2016 is hy genooi vir ʼn onderhoud by Akademie Reformia waarna hy as die nuwe hoof aangestel is.

Hy sien die pad waarop die Here hom gelei het, deur die wildtuin, die volgehoue gebed vir uitkoms en die lesse by openbare skole, as voorbereiding op die taak waartoe die Here hom nou geroep het.

Hy bely ook soos in 1 Tim 6:12 “stry die goeie stryd van die geloof, gryp na die ewige lewe, waartoe jy ook geroep is en die goeie belydenis voor baie getuies afgelê het.”